युगद्रष्टा गुरुदेव डा• निर्मलमणि अधिकारीज्यूको सङ्कल्प बमोजिम नेपाली महिलाहरूलाई अनुसन्धान, उद्यमशीलता, रोजगारी र व्यक्तित्व विकासको माध्यमबाट राष्ट्रको मूलधारमा अग्रणी बनाउने उद्देश्यले स्थापना गरिएको युगनिर्माण महिला समाज नेपाल ( जरोकिलो महाअभियानको विशिष्टीकृत संस्था ) १ नं प्रदेश समितिको आयोजनामा झापा जिल्ला, भद्रपुर नगरपालिका वडा नं ९ स्थित श्री केदारेश्वर शिवपाञ्चायन मन्दिर लक्ष्मी चौकमा मिति २०७८ साल असोज १९ गतेबाट सञ्चालनमा रहेको तीन दिने सहृदयता अर्गानिक कपुरधूप सीप तालिमको एक कार्यक्रम विच जरोकिलो महाअभियान प्रदेश १ अध्यक्ष आदरणीय इन्द्र प्रसाद ओलीले शुभारम्भ गर्नु भएको छ ।

झापा जिल्लाका लव्धप्रतिष्ठित व्यक्तित्व एवम् मन्दिर व्यवस्थापन समितिका अध्यक्ष आदरणीय राजेन्द्र रिजालज्यूको अध्यक्षतामा सञ्चालित सीप तालिममा युगनिर्माण महिला समाज नेपाल प्रदेश १ सचिव एवम् प्रमुख प्रशिक्षक खेमकुमारी ओलीले सीप तालिमको प्रशिक्षण गर्नु हुनेछ ।

RAWA Hills Town Property

उक्त शुभारम्भ कार्यक्रममा जरोकिलो महाअभियान प्रदेश १ सचिव रोमादेवी निरौलाले स्वागत मन्तव्य राख्नु भएको थियो भने कार्यक्रम सञ्चालन भगिरथ नेपालले गर्नु भएको थियो ।

स्थानीय सामाजिक व्यक्तित्व विष्णु प्रसाद सिवाकोटी , गोपाल श्रेष्ठ, चुडामणि मैनाली , जरोकिलो केन्द्रीय सङ्गठन विभाग सदस्य सीता गौतम लगायतको विशिष्ट उपस्थिति रहेको थियो ।

स्मरण रहोस् : वैदिक सनातन हिन्दु, बौद्ध, जैन, बोन, किरात लगायतका मौलिक धर्म संस्कार, संस्कृतिमा सिन्केधूप अर्थात अगरबत्तीको प्रयोगलाई वर्जित मानिन्छ ।