दमक, ७ भदौं ।

जरोकिलो प्रतिष्ठान नेपालको आह्वानमा राष्ट्रिय हिन्दू एकता मञ्च नेपालको आयोजनामा २०७८ साल भाद्र ६ गते आईतबार झापा, विर्तामोडस्थित बुद्ध नगर टोल विकास समितिको सभाहलमा चतुर्थ विश्व संस्कृत दिवस सम्पन्न भएको थियो । श्रावण शुक्ल पूर्णिमा ऋषि तर्पणीका दिन आयोजित कार्यक्रममा नेपाल सरकारको मापदण्ड अनुरुप सामाजिक दुरीलाई अपनाएर बिभिन्न धार्मिक, सांस्कृतिक र सामाजिक संघसंस्थाहरूको उपस्थिति रहेको थियो ।

RAWA Hills Town Property

शास्त्र हराए, संस्कार हराउँछ, संस्कार हराए संस्कृति हराउँछ, संस्कृति हराए पहिचान हराउँछ, पहिचान हराए राष्ट्र हराउँछ भन्ने मूलभूत मान्यतालाई आत्मसात गर्दै वैदिक सनातन हिन्दू, बौद्ध, जैन, किरात, बोन लगायतका नेपालका मौलिक धर्म , संस्कार, संस्कृति र सभ्यताको रक्षा गर्न एवम् सबैको एकत्वभाव झल्काउने उद्देश्यले राष्ट्रिय हिन्दू एकता मञ्च नेपालको स्थापना गरिएको हो ।

देवभाषा संस्कृतको संरक्षण, संवर्द्धन, प्रवर्तन र पुनर्जागरण गर्ने उद्देश्यकासाथ आयोजित कार्यक्रम निकै नै भव्यताका साथ सु सम्पन्न भएको थियो।

कार्यक्रमको अध्यक्षता इन्द्र प्रसाद ओली राष्ट्र हिन्दू एकता मञ्च नेपालका अध्यक्षले गरेका थिए भने कार्यक्रममा प्रमूख पाहुना डा. रुपक खनाल रहेका थिए। कार्यक्रममा विभिन्न विशिष्ट पाहुनाहरूको उपस्थिति रहेको थियो । राष्ट्रिय हिन्दू एकता मञ्च नेपाल, झापा गाउंपालिका सचिब नवराज खरेल, राष्ट्रिय हिन्दू एकता मञ्च नेपालका १ न प्रदेश सचिब दीपेन्द्र घिमिरे, जरोकिलो महाअभियान सदस्य उमाकान्त सिटौला, मौलिक जरो किलो पार्टीका प्रदेश नम्बर १ सचिव राज कुमार दाहाल, श्रीकृष्ण प्रणामी १ न प्रदेश संयोजक अनिल ढुंगाना, राष्ट्रिय हिन्दू एकता मञ्च नेपालका केन्द्रीय सदस्य रोमा देवी निरौला, विद्वान व्यक्तित्व घनश्याम भण्डारी, जरोकिलो प्रतिष्ठान संस्थापक सदस्य नम्रता उप्रेती, समाजसेवी ध्रुव शिवाकोटी, संस्कृत विद्यापीठ हल्दिवारीका प्राचार्य खिवराज न्यौपाने, राष्ट्रिय हिन्दू एकता मञ्च नेपालका उपाध्यक्ष गोविन्द बिक्रम गिरी लगायत बिभिन्न सङ्घसंस्थाका प्रतिनिधिहरूको उपस्थिति रहेको थियो । साथै अखिल नेपाली युवा संङ्घका केन्द्रीय सचिव शुलभराज बराल, राष्ट्रिय हिन्दू एकता मञ्चका केन्द्रीय सदस्य अनिल चौधरी, सिता गौतम, मणिकुमार राईको पनि उपस्थिति रहेको थियो ।

कार्यक्रममा स्वागत मन्तव्य राष्ट्रिय हिन्दू एकता मञ्च नेपालका केन्द्रीय सदस्य अर्जुन कुमार भट्टराईले दिनु भएको थियो भने कार्यक्रमको सञ्चालन राष्ट्रिय हिन्दू एकता मञ्च नेपालका केन्द्रीय सचिब देवी प्रसाद आचार्यले गर्नु भएको थियो ।

तस्विरहरु हेर्नुहोस:

बाकि तस्बिर हाम्रो सामाजिक संजालमा हेर्न सक्नु हुन्छ । तस्बिर हेर्न यहाँ क्लिक गर्नु होस् ।