दमकमा जारी दमक गोल्डकप अन्तर्गत शुक्रबार(आज) भएको खेलमा मनाङ मस्र्याङ्दी क्लब बिजयी भएको छ ।
शुक्रबार भएको पहिलो क्वाटरफाइनल खेलमा बागमती युवा क्लबलाई ४–२ गोल अन्तरले पराजित गर्दै मनाङले अन्तिम चारमा आफ्नो स्थान सुरक्षित गरेको छ।
मनाङको जितका लागि अफिज ओलावलेले दुई गोल, रुपेश केसीले एक गोल गरे । एक गोल भने मनाङले आत्मघाती उपहार पायो । बागमतीका लागि विमल घिसिङ र जोमाउलले गोल गरे ।
पहिलो हाफ एक-एकको बराबरीमा टुंगिएको थियो । दोस्रो हाफको सुरुवाती समयमा भने बागमतीले निकै आक्रमक खेल खेलेको थियो । ५३ औँ मिनेटमा जमाउलले गोल गर्दै बागमतीलाई अग्रता दिलाए । खेलको ६७ औँ मिनेटमा मनाङले आत्मघाती गोलको उपहार पायो ।

बल क्लियर गर्ने क्रममा बागमतीका सिलोमार्टिनले आत्मघाती गोल गरे । खेलको ७० औँ मिनेटमा मनाङका कप्तान विमल रानाको पासमा ओलावलेले गोल गर्दै मनाङलाई अग्रता दिलाए । खेलको ८१ औँ मिनेटमा मनाङका लागि रुपेश केसीले गोल गरे भने बागमतीका गोलरक्षक मनोज प्रधानबाट रि- बाउन्स भएको बललाई उनले गोलमा परिणत गरेका थिए ।

RAWA Hills Town Property

शुक्रबारको खेलको म्यान अफ दि म्याच विजेता टिमका अफिज ओलावले घोषित भए । उनले नगद दश हजार रुपैयाँ पाए । शनिबारको दोस्रो क्वाटरफाइनल खेल गोर्खा ब्वाइज र पुलिस क्लब भारतबीच हुने आयोजक दमक नगर खेलकुद बिकास समितिका सचिव डम्बर राज बरालले जानकारी दिए ।