पोखराबाट जोमसोमतर्फ जाँदै गरेको तारा एयरको विमान आज आइतबार मुस्ताङको लेतेस्थित लार्जुङको खोँचमा दुर्घटनामा परेको छ।
बिहान करिब ९ः५५ मा पोखरा विमानस्थलबाट छुटेको विमानलाई सिनियर पाइलट क्याप्टेन प्रभाकरप्रसाद घिमिरेले उडाएका थिए भने को–पाइलटमा रुकुमका उत्सव पोख्रेल थिए।
RAWA Hills Town Property
फिलिपिन्सबाट अध्ययन सकाएर नेपाल आएलगत्तै तारा एयरमा काम गर्न थालेका उनले काम गरेको पहिलो वर्ष बित्न पाउँदा–नपाउँदै दुर्घटनामा परे। उनी आफ्नो परिवार मात्र नभएर त्यस नगरपालिकाको लागि पनि उदाहरणीय युवा थिए। कारण उनी त्यस क्षेत्रको पहिलो पाइलट हुन्।
करिब एक वर्षदेखि को–पाइलट भएर उडान भरिरहेका उनी आज तारा एयरको विमान दुर्घटनामा परेका हुन्। रुकुमको चौरजहारी नगरपालिका वडा नम्बर–३ का उत्सव परिवारका कान्छा छोरा हुन्।
शिक्षण पेशामा आवद्ध उनका बुवाआमा यतिबेला जाजरकोट र दाङमा छन्। उत्सव पाइलट बनेपछि आफू पनि पाइलट बन्ने सपना बुनेर उनका दाजु त्यसैको अध्ययन गर्दैछन्। उनीसहित सो विमानमा रहेका अन्य २१ जनाको अवस्था अझै थाहा हुन सकेको छैन ।
यो खबर पढेर तपाईलाई कस्तो महसुस भयो ?
Arrayप्रतिक्रिया
सम्बन्धित खवर
