मोरङको मिक्लाजुङमा जारि पहिलो मधुमल्ला गोल्ड कप २०७९ को बुधबारको खेलमा जलथल झापालाई हराउँदै विजय युथ क्लव हेटौडा फाइनल प्रबेस गरेको छ । मनोहर जनता मा.वि.को खेलमैदानमा भएको सेमिफाइनल खेलमा ३–० को गोल अन्तरले हराउँदै विजय युथ क्लव हेटौडाले फाइनलको यात्रा तय गरेको हो ।

पहिलो हाफको ११ औं मिनेटमा जर्सी नम्बर १२ का समिरराज थोक्करले हेटौडाको तर्पबाट पहिलो गोल गर्दै खेललाई अग्रता दिलाएका थिए । त्यस लगत्तै निकै आक्रामक खेल प्रदर्शन गरेको जलथलले कुनै पनि गोल गर्न सकेन ।

RAWA Hills Town Property

त्यस्तै जर्सी नम्बर १४ का रुपक लामाले विजयी टिमको तर्पबाट खेलको ३३ मिनेटमा अर्को गोल गर्दै २–० ले आफ्नो टिमलाई अगाडी बढाएका थिए । यस बिचमा जलथल झापाले निकै राम्रा गोल गर्ने अवसर प्राप्त गरे पनि बललाई जाली भित्र प्रहार गर्न कोसिस गरिरहेको बेला हेटोडाले अर्को गोल गर्दै ३–० को झट्का दियो । खेलको ४५ औं मिनेटमा जर्सी नम्बर १७ का मेसुकिले उत्त गोल गरेका हुन ।

गत शनिबार राष्ट्रिय जागृती क्लव सुनसरिलाइ हराउदै जलथल सेमिफाइनल प्रबेस गरेको थियो भने आइतबार चर्च व्वाइज युनाइटेड काठमाडौलाइ हराउँदै विजय युथ क्लव हेटौडा सेमिफाइनल प्रबेस गरेको थियो ।

बुधबारको म्यान अफ द म्याच विजयी टिमका जर्सी नम्बर १३ का खेलाडी समिरराज थोक्करले पाएका छन् । उनले नगद रु ३००० सहित म्यान अफ द म्याचको उपाधि पाएका हुन । आजको जीत सँगै विजयी टिमले आयोजक इस्ट स्टार क्लव मधुमल्ला सँग शुक्रबार दिउँसो २ बजे फाइनलका लागि मैदान उत्रिनु पर्ने छ ।