जनसरोकारसँग सम्बन्धित विभिन्न चार बुँदे माग राख्दै भाइरल म्यान पुन्य गौतमले आजबाट अनशन सुरु गर्नु भएको छ ।
हालै एमाले प्रवेश गर्नुभएको गौतम गोकर्णेश्वर नगरपालिका वडा नम्बर ६ को कार्यालय अगाडि अनशन बस्न लाग्नुभएको हो । गौतमले आफूसँगै अनशन बसेर साथ दिन अरूलाई पनि अपिल गर्नुभएको छ ।
सुरुको चरणमा उहाँलाई एमालेकै समर्थक तिलक कार्कीले साथ दिने हुनुभएको छ ।
आफू आमरण अनशन बस्ने र अरूले रिले अनशन बसेर साथ दिन सक्ने गौतमले बताउनुभयो ।
RAWA Hills Town Property
पेट्रोलियम पदार्थ र खाने तेलको मूल्यवृद्धि फिर्ता लिनुपर्ने गौतमको पहिलो माग छ ।दोस्रो बुँदामा उहाँले नेपाल विद्युत् प्राधिकरणले ग्राहकबाट लिइरहेको न्यूनतम चार्ज घटाउनुपर्ने माग राख्नुभएको छ ।
यसै गरी, सरकारले जेठदेखि लागू गरेको आइतबारे बिदा खारेज गर्नुपर्ने र निजी विद्यालयहरूले गरेको शुल्क वृद्धि फिर्ता लिनुपर्ने पनि उहाँको माग छ ।
यो खबर पढेर तपाईलाई कस्तो महसुस भयो ?
Arrayप्रतिक्रिया
सम्बन्धित खवर
