काठमाडौं । पत्रकार सरोजराज अधिकारी झुन्डिएको अवस्थामा मृत भेटिएका छन् ।
सुन्धारास्थित सिद्धार्थ होटलमा उनी झुन्डिएको अवस्थामा मृत भेटिएका हुन् ।
eHatiya
अधिकारी कात्तिक २१ गते साँझदेखि सिद्धार्थ होटलमा बसेका थिए । उनकी श्रीमतीले अधिकारी हराएकाे भनेर प्रहरीसमक्ष निवेदन दिएकी थिइन् । शवलाई पोस्टमार्टमका लागि त्रिवि शिक्षण अस्पतालमा लगिएको छ ।
घटनास्थलमा सुसाइड नोट नभेटिएको काठमाडौं प्रहरी प्रवक्ता एसपी दिनेशराज मैनालीले नेपाल प्रेसलाई जानकारी दिएका छन् । घटनाको विस्तृत विवरणबारे अनुसन्धान भइरहेको मैनालीले बताए ।
अधिकारीले चक्रब्यूहमा चन्द्रसूर्य, धम्बोझी, रुपबजारकी नोरा, जासुसीको जालो पुस्तक लेखेका थिए ।
स्रोत: नेपाल प्रेस
