भोजराज घिमिरे –
कोशी प्रदेशका पूर्वमुख्यमन्त्री तथा नेपाली कांग्रेस संसदीय दलका नेता उद्धव थापामाथि झापाको कनकाईस्थित जामुनबारी चोकमा शनिबार साँझ आक्रमण भएको छ। नेपाली कांग्रेस कोशी प्रदेश समितिका सभापतिसमेत रहेका थापामाथि भएको यस घटनाले प्रदेशको शान्ति सुरक्षा व्यवस्थामाथि गम्भीर प्रश्न खडा गरेको छ।

घटनाको विवरण
थापाको गाडी जामुनबारी चोकमा पुगेपछि विद्युत प्राधिकरणका चालकसहित दुई व्यक्तिले उनलाई आक्रमण गरेका हुन्। कांग्रेसका अनुसार भीआईपी सवार गाडीलाई साइड नदिएको र भीआईपी भनेर चिनेपछि आक्रमण भएको हो।

RAWA Hills Town Property

थापाको देब्रे आँखाको माथिल्लो भागमा चोट लागेको छ, र उनलाई उपचारका लागि बिर्ता सिटी हस्पिटल, विर्तामोड लगिएको छ।

प्रहरीको कारबाही
घटनामा संलग्न दुई जना व्यक्तिलाई प्रहरीले नियन्त्रणमा लिएको छ। घटनाको विषयमा विस्तृत छानबिन भइरहेको बताइएको छ।

थापाको प्रतिक्रिया
थापाले नागरिकको ज्यानको सुरक्षामा सरकार गम्भीर बन्नुपर्नेमा जोड दिएका छन्। “यो घटनाले जिल्लाको शान्ति सुरक्षा व्यवस्थाको वास्तविकता छर्लङ्ग पारेको छ,” उनले भने।

प्रेस युनियनको कार्यक्रममा सहभागी हुँदै फर्कने क्रममा आक्रमण
थापा नेपाल प्रेस युनियन झापाको कार्यक्रममा सहभागी भई फर्कने क्रममा आक्रमणमा परेका हुन्। कांग्रेसले घटनाको कडा निन्दा गर्दै दोषीलाई कडा कारबाहीको माग गरेको छ।

सार्वजनिक अपिल
यस प्रकारका घटनाले प्रदेशको शान्ति सुरक्षामा खलल पुग्ने भएकाले घटनाको यथाशीघ्र छानबिन गरी दोषीलाई कानूनको दायरामा ल्याउनुपर्नेमा सर्वसाधारणको अपिल छ।