माधव कुमार नेपाल समूहका प्रभावशाली नेताहरु घनश्याम भूसाल, योगेश भट्टराई र गोकर्ण विष्ट लगायतका जोडका कारण सांसदहरु सामूहिक राजीनामा दिनबाट पछि हटेका छन् । उनीहरुले तत्काल राजीनामा दिनु समाधान नभएको बताएका थिए ।
सोमबार सिंहदरबारमा भएको छलफलमा यी नेताहरुले राजीनामा दिन नहुने अडान लिएपछि सांसदहरुको राजीनमा नदिइ फर्किएका थिए । नेपाल समूहले राजीनामा नदिने र आजको बैैठकमा पनि सहभागी नहुने निर्णय गरेको थियो ।
RAWA Hills Town Property
अहिले राजीनामा दिन नहुने बताएका नेताहरुसँग ओली पक्षले छलफल गरिरहेको छ । विश्वासको मत लिने प्रयोजनका लागि संसद बैठक बस्न लागेका बेला अर्थमन्त्री विष्णु पौडेलले यी तीन जना नेताहरुसँग भेट गर्नुभएको हो । अहिले सिंहदरबारमा वार्ता चलिरहेको छ।
स्रोतका अनुसार घनश्याम योगेश र गोकर्ण विष्ट लगायतका सांसदहरु आज प्रतिनिधिसभा बैठकमा जाने मनस्थितिमा छन् ।
