सिन्धुली — सिन्धुलीको मरिणखोलामा आएको बाढीले बगाउँदा आइतबार एक जनाको मृत्यु भएको छ । मरिणखोला पार गरी घर जाँदै गरेका मरिण गाउँपालिका–७ का ५० वर्षीय गंगा गोलेलाई ट्याक्टरसहित बाढीले बगाउँदा मृत्यु भएको प्रहरीले जनाएको छ ।
ट्याक्टर धनीसमेत रहेका उनलाई ट्याक्टरसहित करिब ५० मिटर बगाएको थियो । स्थानीय जनप्रतिनिधि, प्रहरीले बाढीबाट गोलेको शव चार घण्टा लगाएर निकालेका थिए ।
RAWA Hills Town Property
बगाएको ट्याक्टर पनि बाढी आएको खोलाबाट निकाल्ने प्रयास भइरहेको सिन्धुली प्रहरी कार्यालयका प्रहरी नायब उपरीक्षक मनोजकुमार लामाले जानकारी दिए ।
