– अर्जुन कुमार भट्टराई, १ नं प्रदेश महासचिव, माैलिक जराेकिलाे पार्टी

केही समयदेखि सर्वाधिक चर्चामा रहेको मौलिक जरोकिलो पार्टीको बारेमा धार्मिक, सामाजिक, शैक्षिक, सांस्कृतिक, आर्थिक, राजनीतिक आदि बिभिन्न कोणबाट विश्लेषण हुने क्रम बढेर गएको छ । कतिजनालाई लाग्दो हो कुन अभिप्रायले मौलिक जरोकिलो पार्टीको स्थापना गरिएको हो भनेर ।

अभिप्राय स्पष्ट नै छ , मौलिकताको पुन:जागरण गर्दै नेपालमा उत्पत्ति (जरो ) र नेपालमै निर्णय गर्ने क्षमता ( किलो ) भएको युगद्रष्टा गुरुबाट वर्षौंको अनुसन्धान, अनुष्ठान र साधनाको फलस्वरून अभिनिर्मित सहृदयता दर्शन, राज्यराष्ट्र सिद्धान्त, स्थितिगत्यात्मक प्रगतिवाद, आधारशिला चतुष्टय, मौलिक शिक्षा प्रणाली, सहृदयता अर्थतन्त्र आदिलाई मार्गनिर्देशक मानेर वैश्विक संरचनाको केन्द्र नेपाललाई बनाउदै वैज्ञानिक सत्ययूगको लक्ष्य र उद्देश्यमा अटल र अडिग भएर अघि बढिरहने अभिप्रायले मूलधारको राजनीतिक शक्तिका रूपमा मौलिक जरोकिलो पार्टीको स्थापना भएको हो । सयौं पार्टीहरूको बिचमा फेरि अर्को पार्टी किन चाहियो भन्ने सन्दर्भ बुझ्न पहिला आउनुहोस् देशको बारेमा केही चर्चा गरौं ।

RAWA Hills Town Property

यो देशमा जनताको नाम लिंदै पटकपटक सत्ता परिवर्तन भए । कहिले व्यवस्था बचाउने नाममा त कहिले व्यवस्था परिवर्तनको नाममा पात्र मात्र परिवर्तन भइरहे । जे भए पनि परिवर्तनका नाममा भएका हरेक परिदृश्यहरुमा बाह्य राष्ट्रहरुको संलग्नता अधिक रहेको छ । हरेक पटकका परिवर्तनहरूमा नेपालको गौरव, मौलिकता, विशेषता, ज्ञान परम्परा, सभ्यता , स्वाधिनता, सार्वभौमसत्ता र राष्ट्रिय चरित्रलाई क्षतविक्षत पार्ने कार्यहरू मात्र भइरहे । मातृका, विपी, सूर्यबहादुर थापा देखि गिरिजा प्रसाद कोइराला हुदै पछिल्लो समयमा केपी ओली र शेर बहादुरसम्मका सरकारहरुले सत्तास्वार्थका लागि पटकपटक विदेशीलाई नागरिकता बेच्ने, महत्वपूर्ण उद्योगधन्दाहरू कौडीको भाउमा बेच्ने , बिभिन्न काण्ड रच्दै भ्रष्टाचार गरेर अकूत सम्पत्ति कुम्ल्याउने, देशको स्वाधिनता र सार्वभौमसत्तालाई बन्धक बनाउने, सनातन हिन्दू, बौद्ध, जैन, किरात, बोन लगायतका मौलिक धर्मको उत्पत्तिस्थललाई धर्मनिरपेक्षता घोषणा गर्ने जस्ता अनेकौं कुकृत्यहरू मात्र गरिरहे । यो क्रम दिनहुँ बढिरहेको छ । आफ्नै मूल थलोमा नेपाली जनता आर्थिक, सामाजिक, धार्मिक, सांस्कृतिक, राजनीतिक इत्यादि क्षेत्रहरूमा क्रमश: शरणार्थीमा परिवर्तन हुदैछन् भन्ने हेक्का राख्ने समय आइसकेको छ ।

मेरो पार्टी, मेरो पार्टी भन्दै कुद्ने हामी नेपालीले विदेशी प्रतिमानमा आश्रित कपुतन्त्रका प्रत्येक घटकलाई शासनसत्ताबाट उखेलेर फाल्न सकेनौं भने यो दुरावस्थाबाट मुक्त हुन सक्दैनौं । त्यसैले हाम्रो मौलिक प्रतिमानमा आधारित मौलिक जरोकिलो पार्टीको बारेमा बुझ्दै यसलाई नै शासनसत्तामा स्थापित गर्नु भन्दा अर्को बाटो हामीसंग छैन । मौलिक जरोकिलो पार्टीले नागरिकता , शिक्षा, राजनीति, अर्थतन्त्र, समाजतन्त्र, लगायत हरेक विषयहरुलाई आफ्नो देश सुहाउँदो राष्ट्रिय चरित्रको निर्माण गर्दै नेपाललाई विश्वको केन्द्र बनाउने लक्ष्य लिएको तथ्य यहाँ निवेदन गर्न चाहन्छु ।
नेपाललाई सिक्किम र रूवाण्डाको जस्तो परिस्थिति हुनबाट बचाउने हरेक नेपालीको कर्तव्य हो ।

पराई प्रतिमानमा सञ्चालित समग्र सिद्धान्त, दर्शन, पद्धति र प्रणालीलाई जरैबाट नफालेसम्म नेपालको भाग्य र भविष्यको निर्माण गर्न सकिदैन भन्ने तथ्य कपुतन्त्रका मतियारहरूले विगत सत्तरी वर्षको इतिहासमा प्रमाणित गरिसकेका छन् । त्यसैले कपुतन्त्रको समूल अन्त्य गर्दै मौलिक प्रतिमानको स्थापनाका लागि मौलिक जरोकिलो पार्टी कर्मरत रहेको छ ।

युगद्रष्टा डा• निर्मलमणि अधिकारीज्यूले अभिनिर्माण गर्नु भएको सहृदयता दर्शन, राज्यराष्ट्र सिद्धान्त, स्थितिगत्यात्मक प्रगतिवाद, आधारशिला चतुष्टय, मौलिक शिक्षा प्रणाली, सहृदयता अर्थतन्त्र जस्ता मौलिक सिद्धान्त र दर्शनलाई मार्गनिर्देशक मानेर जरोकिलो महाअभियानको लक्ष्य र उद्देश्यलाई सफलीभूत पार्न मौलिक जरोकिलो पार्टी नेपालको राजनीतिमा मौलिक प्रतिमान स्थापनाको लागि गठन भएर आफ्नो सङ्गठन विस्तार गरिरहेको छ । राष्ट्रोदयको महाअभियानमा जोडिन चाहनुहुन्छ भने सम्पर्क गर्नुहोला ।

मौलिक जरोकिलो पार्टीले २०७८ श्रावण मसान्तसम्म सदस्यता अभियान सञ्चालन गरिरहेको छ । यो समयमा नयाँ सदस्यता लिन र सदस्यता नवीकरण गर्न सकिनेछ । आउनुहोस् , प्रतिमान परिवर्तनको लक्ष्यमा एकजुट बनौं । कपुतन्त्रको समूल अन्त्य गर्दै मौलिक प्रतिमानको स्थापना र युगप्रवर्तन गर्न पूरै तयारीका साथ हामी स्वकृयात्मक भावले अग्रसर भएका छौं ।

यो नेपाललाई नेपाल जस्तै बनाउने महाअभियान हो । सत्ता र स्वार्थको रोटी सेक्नेहरूलाई यो मन नपर्न सक्छ किनकी यसभित्र आचार्य पद्धति, ऋषिसत्ता र राजसत्ता छ । शिक्षित, प्रशिक्षित र दीक्षितहरूको नेतृत्व हो यो । पात्रताको परिक्षण पश्चात मात्र जिम्मेवारी पाउने हो । टाउकाको गन्तिको यहाँ कुनै अर्थ छैन । ऋषिसत्ताको मार्गनिर्देशनमा राजसत्ताले कार्य गर्ने हो । आचार्य पद्धतिका वर्तमान प्रधान आचार्य युगद्रष्टा गुरूको मार्गनिर्देशनमा अघि बढ्ने हो । हरेक समस्याको समानुभूति र समतामूलक समाधान छ यहाँ । यो हो जरोकिलो महाअभियान । यो हो मौलिक जरोकिलो पार्टी ।

राष्ट्रोदयको महाअभियानमा अग्रणी हुन चाहनुहुन्छ भने आउनुहोस् , एकसाथ अघि बढौं । पात्रता पुगेको छैन भने , राष्ट्रप्रति जिम्मेवारी र दायित्ववोध छैन भने , अग्रणी भएर देश लुट्नु पर्छ भन्ने भावना छ भने वा प्रारव्धले दिएको छैन भने पर्खनुहोस् तपाईंको जरोकिलोमा आउने बेला भएको छैन । यो त युगान्तकारी एवम् युग प्रवर्तनकारी मार्ग हो । आफूले आफैंलाई सोध्नुहोस् ।
स्मरण रहोस्, यो सज्जनहरूको सङ्घ अर्थात साझे घर हो । स्मरण रहोस् मौलिक जरोकिलो पार्टीको चुनाव चिह्न ” कम्प्युटर ” हो ।
नमस्कार । धन्यवाद ।