दमक , २४ साउन । जापान सरकारले अनुदानमा दिएको तीन लाख डोज एस्ट्रेजेनेका खोप आज काठमाडौं आइपुग्ने भएको छ। हिजो शनिबार पाँच लाख डोज खोप त्रिभुवन अन्तर्राष्ट्रिय विमानस्थलमा आइसकेको छ। जापानले पहिलो चरणमा ८ लाख खोप नेपाल पठाउने क्रममा आज थप तीन लाख डोज नेपाल आउन लागेको हो। बाँकी ८ लाख एस्ट्रेजेनेका खोप अर्को साता काठमाडौं आइपुग्ने स्वास्थ्य तथा जनसंख्या मन्त्रालयले जानकारी दिएको छ।






