दमक , २४ साउन ।  

पछिल्लो २४ घण्टामा थप २ हजार ५४८ जनामा कोरोना भाइरसको संक्रमण पुष्टि भएको छ ।

RAWA Hills Town Property

स्वास्थ्य तथा जनसंख्या मन्त्रालय अनुसार गत २४ घण्टामा १२ हजार ३७८ जनाको एन्टीजेन र पिसिआर परीक्षण गर्दा  २ हजार ५४८ जनामा कोरोना भाइरसको संक्रमण पुष्टि भएको हो । उक्त  अवधिमा थप २ हजार २९ जना संक्रमित उपचार पश्चात निको भई घर फर्किसकेका छन् ।

हाल देशभर कोरोना भाइरसका सक्रिय संक्रमितहरुको संख्या ३५ हजार ४८५ रहेको छ ।

पछिल्लो २४ घन्टामा कोरोना संक्रमणकै कारण थप ५५ जनाको मृत्यु भएको छ ।  हालसम्म देशभर कुल १० हजार ९३ जनाको  कोरोनाबाट मृत्यु भइसकेको छ।