दमक , ३२ साउन । एट्लेटिको मड्रिडले स्पेनिस ला लिगा फुटबलमा विजयी सुरुवात गरेको छ । साबिक विजेता एट्लेटिकोले आइतबार राति भएको खेलमा सेल्टा भिगोलाई २–१ ले हरायो ।
सिजनको पहिलो खेलमा सहज जित निकाल्दै एट्लेटिकोले सुखद सुरुवात गरेको हो । एट्लेटिकोलाई जित दिलाउन एन्जल कोर्रियाले दुई गोल गरे । सेल्टाका इयागो आस्पसले एक गोल फर्काए ।
RAWA Hills Town Property
खेलको २३औँ मिनेटमा कोर्रियाले गोल गर्दै एट्लेटिकोलाई अग्रता दिलाएका थिए । ५९औँ मिनेटमा इयागोले पेनाल्टीमा गोल गर्दै सेल्टालाई १–१ को बराबरीमा फर्काए । ६४औँ मिनेटमा कोर्रियाले व्यक्तिगत दोस्रो गोल गर्दै एट्लेटिकोलाई २–१ को जित दिलाए ।
एट्लेटिकोका मारियो हेर्मोसो र सेल्टाका हुगो माल्लोले रातो कार्ड खाँदा दुवै टोली खलको इन्ज्युरी समयमा १० खेलाडीमा सीमित भएका थिए ।
जितसँगै एट्लेटिकोले ३ अंक जोडेको छ ।
यो खबर पढेर तपाईलाई कस्तो महसुस भयो ?
Arrayप्रतिक्रिया
सम्बन्धित खवर
