म,संगम अधिकारी-२०७० सालदेखी नेपाली कांग्रेसको भातृ संघठन नेपाल बिध्यार्थी संघमा अनावरत योगदान गर्दै शंकर देव क्याम्पसको एक कुसल नेताको रूपमा स्थापित भई बिध्यार्थीको हक़,हित अधिकारका निम्ति जस्तो सुकै परिबेसमा पनि पछी नहटि काम गर्दै आएको कुरा अबगत गराउन चाहन्छु। हाल नेपाली कांग्रेस केंद्रीय तरुण बीभागको प्रचार तथा प्रकाशन समन्वय समितिको सदस्यको रूपमा काम गरीरहेको छु।

भनिन्छ बलियो काङ्ग्रेसको नर्सरी नेपाल विद्यार्थी संघ हो । वि. स. २०२७ सालमा स्थापना भएको नेपाल विद्यार्थी संघ राष्ट्रियता, लोकतन्त्र, समाजवाद र विद्यार्थी एकताका लागि जस्तो सुकै परिस्थितिमा पनि कलम र मसाल अङ्कित झणडा बोकेर लडिनै रहयो, त्यसैले यसको इतिहास स्वर्णीम् छ । यसको स्थापना यस्तो समयमा भएको थियो, जतिबेला जनताका वाक् स्वतन्त्रता खोसिएको थियो र शान्तिपूर्ण आन्दोलन गर्न र संगठित हुन प्रतिबन्ध लगाइएको थियो । प्रतिकूल अवस्थामा मुलुकको भविष्यका कर्णधारलाई लोकतन्त्र र नागरिक अधिकारको लडाइँमा गोलबद्ध गराउने उद्देश्यले नेविसंघको स्थापना भएको हो ।
मूलत: विगतदेखि वर्तमानसम्म आइपुग्दा जनमुक्ति जनजीविका अनि राज्य स्वाधीनताका लागि निरंकुश शासनका दानवीय छायालाई परास्त गर्दै मुलुकमा संघीय लोकतान्त्रिक गणतन्त्रको विशाल राजमार्ग निर्माण गर्ने कार्यमा नेपाल बिद्द्यर्थी सँघको प्रदर्शन गरेको वीरता विश्वकै लागि अनुपम एवम् ऐतिहासिक सन्देश बन्न पुगेको थियो। यस्तो गौरवमय इतिहास बोकेको संगठनका नेपाली काङ्ग्रेस पार्टीको नेता उत्पादन गर्ने कारखाना नै बन्न पुग्यो ।वर्तमान काङ्ग्रेस सभापति शेरबहादुर देउवा, उप-सभापति बिमलेन्द्र निधी, नेताहरु बालकृष्ण खाण, विश्वप्रकाश शर्मा, प्रदीप पौडेल पनि ने बि संघ कै अध्यक्ष हुँदै पार्टी राजनीतिमा आइपुगेका हस्ती हुन । यसैगरि नेता गगन थापा पनि यस अघि ने बि संघ महामन्त्री सम्म भैसकेका ब्याक्ती हुन । तर पछिल्लो समय ने बि संघले आफ्नो उचाईलाई कायम राख्न सकेन । नेता उत्पादन हुने भएकाले आफ्नो प्रभाव राख्न खोज्ने र संगठनलाई पार्टीका नेताको घेरा बनाउन खोज्ने अभ्यास हुँदै गयो । यसकारण ने बि संघमा आफ्नो गुट बलियो नभए सम्म महाधिवेशन गराउन नखोज्ने, गुटबन्दीको सोझो प्रभाव ने बि संघमा पार्ने र ब्यक्तिगत लाभ र स्वार्थ पुर्ती नभए सम्म महाधिवेशन नै नगराउने परिपाटीको बिकास भएपछि आम विद्यार्थीमा चिन्ता बढेको हो । पार्टीको अबको महाधिवेशनले यसबारेमा नसोचे संगठनको गरिमा कसैले पनि जोगाएर नजोगिने देखिन्छ ।
नर्सरीको नै यो अवस्था भएपछी बिरुवा कसरी हुर्कन्छ त? त्यसकारण काङ्ग्रेसलाई बलियो बनाउन विद्यार्थी संगठन बलियो बनाउन जरुरी देखिन्छ । त्यसका निमित्त पार्टीमा बलियो युवा पङ्तीको आवश्यकता रहेको कुरा मैले आम रुपमा तपाईंहरु सामु उठाउदै नै आएको छु । वर्तमान नेतृत्व ले यो बेला सम्म के गर्यो युवा उपस्थिति कस्तो रहयो त्यस्को समिक्षा त सबैले गर्नै पर्नेछ तर अबको नेतृत्वले के गर्नु पर्दछ भन्ने कुरा स्पष्ट साथ राखेर अगाडी बढेमात्र हामी सफल हुनेछौ । त्यसैले हामीले वडा, गाउँ, नगर, क्षेत्र, जिल्ला, प्रदेश र केन्द्रीय नेतृत्व चयन गर्दै गर्दा कुनै पनि गुट र उप-गुट, क्षणिक लाभ, स्वार्थ आदि उत्यादी त्यागेर नयाँ जोश , जागर बोकेको युवा पंक्तिको उपस्थितिलाई बलियो बनाउनु पनि एउटा बलियो काङ्ग्रेस निर्माणको आधार हो । यसरी चयन भएको नेतृत्वले गुटबन्दीको अन्त्य गरेर पार्टीका एकताबद्ध बनाएर लैजानु पर्छ ।
काङ्रेसमा बूढाहरू ढिम्री कसेर नेतृत्वमा बसिरहे, युवाले मौका पाएनन् भन्नु सत्य हो । तर त्यो परिवर्तन गर्ने जिम्मा मूल रूपमा दलभित्र रहेका काङ्रेसी युवा जमातको नै हो । आफ्ना दलभित्र युवाहरूलाई बोलीहीन बनाउने अनि बाहिर युवाका शक्ति कहिले उठेर मद्दत गर्लान् भन्ने आशामा बस्नुमा समस्या छन् । बाहिर प्रदर्शन गर्ने युवाहरू सिर्जनशील हुन्छन्, युगका वाणी बोल्छन्, शाश्वत हुन्छन् अनि ती समाजका ऊर्जा शक्ति हुन् । त्यसैले नेपालको प्रत्यक भुगोलवाट काङ्रेसी युवाहरुले आफ्नो उमेद्ववारी दिएर काङ्रेसलाई युवामैत्री काङ्रेस बनाउनु अपरिहार्य देखिन्छ।

RAWA Hills Town Property

लेखक: नेपाल बिध्यार्थी संघ शंकर देव क्याम्पसका नेता, नेपाली कांग्रेस केंद्रीय तरुण बीभागको प्रचार तथा प्रकाशन समन्वय समितिको सदस्य र काङ्रेसको १४ औ महादिबेशनमा गौरादह वार्ड न-२ वाट क्षेत्रिय प्रतिनिधिको उम्मेद्बार हुन।