सोमबार सम्पन्न नेपाली कांग्रेसको १४ औं महाधिवेशन अन्तर्गत झापा क्षेत्र नं ५ मा भएको निर्वाचनको अन्तिम मतपरिणाम आज (मंगलबार) बिहान सार्वजनिक भएको छ ।
सार्वजनिक भएको मत परिणाम अनुसार क्षेत्रीय सभापतिमा ढुण्डीराज भण्डारीले कूल ४४७ मत ल्याएर विजयी भएका छन् । उनी दोश्रो कार्यकालका लागि सभापति निर्वाचित भएका छन् । उनका प्रतिस्पर्धी रोशन गौतम रहेका थिए ।

क्षेत्रीय सचिवमा भण्डारीको प्यानलका धर्मानन्द भट्टराई र गौतमको प्यानलका मुकुन्द उप्रेती निर्वाचित भएका छन् भने सह-सचिवमा गोपालराज दाहाल र डिल्ली चापागाइँ निर्वाचित भएका हुन् ।

RAWA Hills Town Property

त्यसैगरी खुल्ला तर्फ निर्वाचित केन्द्रिय महाधिवेशन प्रतिनिधि १० जनामा हुकुमसिंह राई सर्वाधिक मत ल्याएर विजयी भएका हुन् उनले कुल ४५२ मत प्राप्त गरेर पहिलो स्थान प्राप्त गरेको हुन् । डा. खगेन्द्र पाण्डव अधिकारी दोश्रो स्थानमा र गौरादह नगरपालिकाका प्रमुख समेत रहेका रोहितकुमार साह तेस्रो स्थानमा महाधिवेशन प्रतिनिधिका रुपमा विजयी भएका छन् ।

त्यस्तै हेमन्त कार्की, सुरेश सुब्बा, राजन बहादुर ढुंगाना, मेदनी प्रसाद सिटौला, अनिलकृष्ण प्रसाइँ, भुपालराज कटुवाल र टिकाराज सापकोटा निर्वाचित भएका छन् ।

खस आर्य पुरुष तर्फ विक्रम अधिकारी र डा. नेत्र बुढाथोकी विजयी भएका छन्। खस आर्य महिला तर्फ भने मन्धरा चिमरिया पौडेल र चन्द्राकुमारी खडका निर्वाचित भएका छन् । मधेसी कोटामा सत्यनारायण चौधरी र अल्पसंख्यकको कोटामा निरज अग्रवाल निर्वाचित भएका छन् ।

खुल्ला महिला तर्फ संघीय संसद सदस्य समेत रहेकी महेन्द्रकुमारी लिम्बु, रेगिना भट्टराई प्रसाइँ, लक्ष्मी बारकोटी र तुलसा पन्त विजयी भएका छन भने आदिवासी जनजाती समुह (पुरुष तर्फ) अइन्द्र विक्रम केरुङ र भुमिराज राई विजयी भएका हुन् भने महिलामा रमा लिम्बु र फुलवती राजवंशी महाधिवेशन प्रतिनिधि निर्वाचित भएका छन् ।