१७ पुस- आज नवाैं राष्ट्रिय पाेशाक दिवस मनाइएकाे छ ।

राष्ट्रिय धराेहर संरक्षण प्रतिष्ठान नेपालकाे आयाेजनामा नेपाल पर्यटन बाेर्डमा एक कार्यक्रमकाे आयाेजना गरी राष्ट्रिय पाेशाक दिवस मनाइएकाे हाे । राष्ट्रियताकाे पहिचानका लागि एउटै पाेशाक हुनुपर्छ भन्ने उदेश्यका साथ २०६९ सालदेखि राष्ट्रिय पाेशाक दिवस मनाउन थालिएकाे हाे ।

May be an image of one or more people, people sitting and people standing

राष्ट्रिय धराेहर संरक्षण प्रतिष्ठान नेपालका सचिव श्याम बजगाईंले ०६९ सालमा काभ्रेबाट कार्यक्रमकाे सुरुवता गरिएकाे बताए । “सरकारले २०६८ सालदेखि राष्ट्रिय पाेशाक हटेकाे थियाे । अहिले राष्ट्र राष्ट्रिय पाेशाक विहीन छ । नेपालकाे राष्ट्रिय पाेशाक चाहिन्छ भन्ने मागसहित पाेशाक दिवस मनाउन थालिएकाे हाे”, उनले भने । पुस १७ गते विदेशी नयाँ वर्ष मनाउने गरेकाले हामीले हाम्राे आफ्नै पहिचान छ भन्ने बुझाउनका लागि पनि यहि मितिमा राष्ट्रिय पाेशाक दिवस मनाउन थालेकाे उनकाे भनाइ छ ।

शताब्दी पुरुष सत्यमाेहन जाेशीले नेपाली पहिचानका लागि राष्ट्रिय पाेशाक आवश्यक रहेकाे जनाए । जातिय पाेशाकलाई अपमान नगरिएकाे बताउँदै उनले भने, “नेपाली पहिचानका लागि राष्ट्रिय पाेशाक आवश्यक छ।”

राष्ट्रिय धराेहर संरक्षण प्रतिष्ठान नेपालका अध्यक्ष राजानन्द माण्डव्यले ६३ जिल्ला सञ्जाल फैलिएकाे जानकारी दिए । उनले विदेशमा बसिरहेका नेपालीहरुले पनि राष्ट्रिय पाेशाक दिवस उत्तिकै महत्वका साथ मनाइरहेकाे बताए ।

सांस्कृतिक तथा पर्यटनमन्त्री प्रेम बहादुर आलेले राष्ट्रिय पाेशाककाे महत्व बुझाउँदै आवश्यक रहेकाे औंल्याए । उनले राष्ट्रिय पाेशाकलाई आधिकारिकता दिनका लागि सहयाेग गर्ने प्रतिबद्धता समेत व्यक्त गरे । कार्यक्रममा शिक्षाविद् विद्यानाथ काेइरालाले राष्ट्रिय पाेशाककाे अवधारणा पत्र प्रस्तुत गरेका थिए । कार्यक्रममा शताब्दी पुरुष सत्यमाेहन जाेशीलाई राष्ट्रिय धराेहर २०७८ द्वारा सम्मान गरिएकाे थियाे । उनलाई ११ हजार १०० नगदसहित सम्मान गरिएकाे हाे । यसैगरी, कार्यक्रममा पाेशाक दिवसमा महत्त्वपूर्ण याेगदान पुर्‍याउने व्यक्तिहरुलाई समेत सम्मान पत्र र कदरपत्र प्रदान गरिएकाे छ ।

May be an image of 16 people and people standing

प्रतिक्रिया

सम्बन्धित खवर

ताजा समाचार

लोकप्रिय