झापाको दमकमा आठौ फुड फेस्टिबल आयोजना हुने भएको छ ।
यहि चैत्र २३ गते देखी २९ गते सम्म दमक ७ स्थित पशुहटमा फूड फेस्टिबल हुने आईतबार आयोजीत पत्रकार सम्मेलन मार्फत जनाइएको छ ।

दमककमा बसोबास गर्ने विभिन्न जातजातीको जातिय परिकारको स्वाद चखाउँदै त्यसको प्रवर्धन गर्न र विषेश गरि दमकलाई अर्गानिक खाना पाउने हब हो भन्ने कुराको सन्देश दिन फूड फेस्टिलको आयोजना गर्न लागिएको पत्रकार सम्मेलनका क्रममा कार्यक्रम संयोजक भुपेन्द्र न्यौपानेले जानकारी गराउनु भयो ।

RAWA Hills Town Property

१० देखी १५ वटा विभिन्न जातका जातीय परिकारका स्टल साथै अन्य विभिन्न स्वादका परिकार तथा केहि व्यवसायीक गरि ४० देखी ५० वटा स्टल फेस्टिबलमा हुने छन् ।

जतीय परिकारको स्टल राख्न कुनै शुल्क नतोकिएको अर्थात निशुल्क उपलब्ध गराइने पत्रकार सम्मेलनमा जनाइएको छ ।

दमकम धिमाल, लिम्बु, राई, सतार, राजंबशी लगायतका विभिन्न आदिवसीको बसोबास रहेको छ ।
यो फेस्टिबलले पूर्वि क्षेत्रको पर्यटकीय पर्वधनमा पनि योगदान दिने आयोजकको दावि छ । होटल व्यवसायी सघं दमकको आयोजनामा हुन लागेको फेस्टिबलले दमक क्षेत्रको प्रर्वधन गर्नपनि मद्यत पुग्ने विस्वास गरिएको छ ।

विभिन्न राष्ट्रिय स्तरका कलाकारका साथमा फेस्टिवल सञ्चालन गरिने पत्रकार सम्मेलनमा सघंका अध्यक्ष योगराज दंगालले जानकारी दिनु भएको छ ।

उहाँका अनुसार फूड फेस्टिबलमा स्थानीय जातीय झाँकीका साथै राष्ट्रिय स्तरका कलाकारहरु ज्योती मगर, प्रमोद खरेल, प्रकाश सपुत, लाहुरे, मेलिना राई, एकदेव लिम्बु, धिरज राई लगयतको उपस्थित हुने जनाइएको छ ।

करिव १ लाख जनाले फेस्टिबल अवलोकन गर्ने दावि आयोजकले गरेको छ । फेस्टिलमा २५ लाख बढिको आर्थीक करोबार गर्ने लक्ष्य राखीएको छ ।