२. एक राम्रो कुराको सुरुवातः

जीवनलाई ध्यान दिएर हेरेर यो निश्चित गर्नुहोस् कि त्यसमा कुन कुरा परिवर्तन गर्न सकिन्छ । आफूलाई बोध भएपछि यसलाई जीवनबाट सधैंका लागि हटाउने वा लागू गर्ने कोसिस गर्नुहोस् । जस्तै ‘म हरेक पटक खाना खानुभन्दा १० सेकेन्ड अघि यो खानाका लागि आभार प्रकट गर्नेछु जुन मेरो बानी बन्ने तयारीमा छ वा जब म कुनै अनिवार्य तत्व जस्तै माटो, जल, वायु र अन्य कुराको प्रयोग गर्छु तब म त्यसको एक प्रतिशत बचत गर्नेछु ।’ यी स–साना कुराले तपाईंको जीवन परिवर्तन गर्नेछ र तपाईंलाई एक भिन्न व्यक्तित्व प्रदान गर्नेछ ।

३. एउटा कुरा याद गर्नुहोस्ः

हरेक व्यक्तिले एउटा याद गर्नुपर्ने कुरा के हो भने तपाईं नश्वर हुनुहुन्छ ।  मानिसहरुले यो कुरा बुझ्न पूरा जीवन नै व्यतित गर्छन् । जीवनको हरेक क्षणको उत्सव मनाउनुपर्छ र त्यसको आनन्द उठाउनु पर्छ किनभने जीवनले तपाईंलाई एक पलका लागि पनि प्रतिक्षा गर्न सक्दैन । त्यसकारण यो जीवनमा कुण्ठा, तनाव, रिस वा कुनै पनि प्रकारको अप्रिय घटनाका लागि समय छैन । हरेक पलको आनन्द लिँदै जीवन जिउनुहोस् ।

४. प्रेमले भरिपूर्ण हुनुहोस्ः

जब तपाईं आफूभित्र प्रेमले भरिपूर्ण हुनुहुन्छ तब तपाईंलाई खुसी मिल्छ । त्यसकारण सबैसँग प्रेमपूर्वक पेश हुनुहोस् । प्रेमपूर्ण संसार बनाएर तपाईं अरु कसैका लागि कल्याण गरिरहनुभएको छैन । यो बाँच्नका लागि बुद्धिमानी तरिका हो । संसारलाई प्रेमपूर्ण बनाउनका लागि तपाईंले खासै धेरै काम गर्नुपर्दैन, जे जति गर्नुहुन्छ त्यसबाटै प्रेमले युक्त संसार बनाउन सक्नुहुन्छ ।

५. खुसी बन्धकी नराख्नुहोस्ः

धेरैजसो मानिसहरुले आफ्नो जीवनको खुसी, शान्ति र प्रेमलाई बाहिरी स्थितीसमक्ष  बन्धकी राख्नुहुन्छ । जब स्टक मार्केट माथि पुग्छ तब तपाईं अत्यधिक खुसी हुनुहुन्छ भने तल झर्दा तपाईं अत्यधिक दुःखी हुनुहुन्छ । संसारमा खुसी भएर बाँच्ने हाम्रो क्षमता घरको आकारप्रकारमा निर्भर हुँदैन । जीवनको वास्तविक गुण त तपाईं भित्री रुपमा कस्तो हुनुहुन्छ, त्यसमा निर्भर हुन्छ । मानिसहरुले सधैं आफू भित्रैबाटै खुसी हुने प्रयास गर्नुपर्छ, खुसी हुनका लागि कुनै कारण वा मौकाको खोजी गर्न आवश्यक नै छैन ।

६. जे कुरा जस्तो छ, त्यसलाई त्यसरी नै हेर्नुहोस्ः

तपाईं सधैं एउटा कुरालाई राम्रो र अर्कोलाई खराब देख्नुहुन्छ । यस्तो तरिका पक्कै पनि ठिक होइन । जे कुरा जस्तो हो, त्यसलाई त्यही रुपमा हेर्न सक्षम हुनुपर्छ । यदि तपाईं कुनै कुरा जे छ त्यो भन्दा भिन्न देख्नुहुन्छ भने यसको अर्थ यो हुन्छ कि तपाईं आफ्नो धारणा र पूर्वाग्रहले संसारलाई दुषित बनाउने कोसिस गरिरहनुभएको छ ।